مطعم بيتي فعلا اسم على مسمى يعني متفكرش في الشكل و متحكمش خالص على الخدمة لأنه مكان مركز جدا على الطعم وخاصة البيتى، كمان لانه مركز على طلبات الدليفري وتحضير أكل المناسبات وتوصيل الطلبات للمنازل.

مكان صغير لكن بيقدم طعم قوي مش هتلاقي عنده طقم خدمة كبير لأن عدد الترابيزات هناك أربعة متراصين خارج المحل.

ملاحظات

  • برغم أننا ركنا بسرعة إلا أن في بعض الأحيان هتلاقي صعوبة في الركنة هناك.
  • برغم أن الاستقبال جيد إلا أن مستوى الخدمة ضعيف وده مفهوم من الاعتماد الكامل على الطلبات الدليفري.
  • احنا اللي طلبنا المنيو وكمان احنا اللي طلبنا الميه.
  • قلّة كميات اللحوم وخاصة في طاجن العكاوي.
  • عدم وجود حمام أو مكان حتى لغسيل الأيدي أو حوض فقط والاعتماد على المناديل المبللة والجافة.
  • شوربة لحمة اللسان حقيقي اختراع ، في البداية توقعنا انها شوربة لسان عصفور لكن عرفنا انها شوربة لحمة لسان بعد ما نزلت.
  • لأن الترابيزات برة المحل ولأن الجو بيقلب، بالتالى الترابيزات كان عليها تراب وبرضه احنا اللي طلبنا تنظيفها.
  • السمة الغالبة جودة الطعم وشعورك أنّه بيتى فعلا.
  • عدم وجود اسم مقدم الخدمة Name Tag على جانب القميص.
  • يعد وقت تقديم الطلبات جيد، أقر مقدم الطلبات بـ 10 دقائق يمكن وصلوا لـ 15 دقيقة لكنه يُعتبر وقت ممتاز.
  • درجة حرارة الأطباق بالكامل ممتازة، ونزولها في طواجن جعلها تحافظ على درجة الحرارة الساخنة لفترة أطول.
  • سألنا مدير المكان عن تعليقاتنا و نوهنا عن قلة محتوى اللحم، وأقر أن أي طاجن يحتوى على 350 جرام لحم صافي وذلك طبقا للأسعار الموضوعة.
  • السعر شامل الضريبة والخدمة.
  • برغم إن الأكل بيتي إلا إنّ الديكور حديث يوحي بلمسة أوروبية ومريح للعين، لكنّه للأسف فقد الأصالة الموجودة في طعم الأكل، وكان الأفضل الاعتماد على ديكور شرقي أكثر.

ودلوقتي خلينا ندخل في تفاصيل الأطباق.

وجبة طاجن العكاوي بالبطاطس مع الأرز والشوربة / 88 جنيه

وجبة طاجن العكاوي بالبطاطس مع الأرز والشوربة

مكونات طاجن البطاطس مع العكاوي كانت عبارة عن حلقات البطاطس مع عصير الطماطم وشرائح الفلفل الأخضر والبصل والبهارات بالإضافة طبعا للحم العكاوي(لحم ديل البقرة أو الجاموسة ) .

مصاحبة الطاجن للأرز بالخلطة ( الأرز الأبيض هو المصاحب للوجبة ) طبقا لرغبتنا وكانت مكوناته أرز بالقرفة والكبد والقوانص والزبيب مع القليل من المكسرات.

شوربة لحمة اللسان دون مكونات تذكر غير بقايا البصل ومرق لحم اللسان والبهارات.

اتفقنا في البداية أن الشكل بالنسبة لطاجن البطاطس كان عادي جدا وكأنه أكل بيتي فعلا ، لكن بالنسبة للطعم كان جيد للغاية بل رائع وقريب جدا من الأكل البيتى.

الكمية تناسب فردين كما أقرت إدارة المطعم وبالفعل هي تناسب فردين فعليا ، ولكن يعيبها قلة محتوى الطاجن من اللحم ، أما السعر فإنه مناسب إذا ما زادت كمية اللحم عن ذلك.

نوهنا عن شوربة اللسان في الملاحظات وكانت بالفعل رائعة وجيدة الطعم. ويُناسب جدا استخدام الأرز الأبيض مع هذه الوجبة بدلا من أرز الخلطة.

طاجن فتة موزة / 90 جنيه

طاجن فتة موزة

فتة الموزة من أروع ما يطلبه محبي الأطباق الدسمة في المطاعم الشرقية والبدوي ومطاعم المشويات والمطاعم البيتى.

الموزة ( لحم عضلة الفخذ الخاصة بالعجل، او الخروف الموزة الضاني ) قطعة لحم اسطوانية مغلفة بكيس الياف نسيجية بما يميز شكلها وتقدم كما هي بنفس شكلها بعد طهيها سواء بالشوي أو الطهي العادي بعد تتبيلها ، ثم توضع على وجه الفتة المكونة من العيش الناشف المحمص أو الرقاقالكرسبي والأرز وطبقا لمكونات مطعم بيتى تم تقطيع الموزة البتلو لقطع صغيرة وتم رش صوص كريمي دسم وسائل على أعلى اللحم ، مع مصاحبة الطاجن لصوص الخل والثوم بالصلصة والبهارات.

سندخل مباشرة في تقييم الطعم ، توافق أعضاء الفريق على مكونات الفتة وطعمها الجيد وتناسق كميتها ولكن اختلف الفريق على طعم اللحم خاصة وأن اضافة الكريمة غير كثيرا من طعم اللحم وكان تأثيره على طعم اللحم أعلى من طعم اللحم نفسه بما طغى بطعم الصوص برغم أن البعض قال أن الطعم جيد وأضاف اختلف باقي أعضاء الفريق على أنه ضيع سمة الطعم الأساسي وهو اللحم بالطبع.

الكمية تناسب فردين، ولكن يعيبها قلة محتوى الطاجن من اللحم ، أما السعر فإنه مناسب إذا ما زادت كمية اللحم عن ذلك كما الحال في الطبق السابق ولكن لم تظهر هذه النقطة هنا لاختلاف بعض الأفراد على اللحم مما ضيع قيمة التركيز على الكمية.

وجبة طاجن كباب الحلة مع الأرز والشوربة / 80 جنيه

وجبة طاجن كباب الحلة مع الأرز والشوربة

اتكلمنا قبل كده عن كباب الحلة والاشهر في أصله وكمان مختلف طرق تقديمه وعن مكوناته واللحم المستخدم في مكوناته في تقرير سابق.

في بيتي جرب فريق دووق كباب الحلة واللى اتقدمت بصوص كباب الحلة بالبصل الغامق والفلفل الاخضر والبهارات والتوابل المختلفة.

مصاحبة الطاجن للأرز الأبيض.

شوربة لحمة اللسان دون مكونات تذكر غير بقايا البصل ومرق لحم اللسان والبهارات.

الشكل في الطبق ده كان متوسط ، أما الطعم فكان جيد وطبعا ده اللي كان غالب في أطباق بيتي كلها جودة الطعم. يعد ده أكثر الاطباق اللي تناسب سعرها مع الكمية ، وبالنسبة للكمية فأنها تناسب فردين.

درجات التقييم
  • الضيافة
  • درجة حرارة الطعام
  • الأجواء
  • الطعم
  • الديكور
  • شكل التقديم
  • الخدمة
  • القيمة مقابل السعر
3.5

الخلاصة

لمّا تكون عايز تاكل أكل بيتي فعلاً فإن مطعم بيتي في بورسعيد هو اسم على مُسمى، المشكلة الكبيرة إن مفيش مكان ملائم للأكل في المكان.

Sending
User Review
0/10 (0 votes)

اترك تعليق